Женско Рели на денот на жената 8-ми Март - 2010

По повод денот на жената 8ми март во сабота на 6ти март 2010 ќе биде одржано традиционалното женско рели. Организатор на овој натпревар е НВО СОБЗ во соработка со АКК Примо АВЈ. Центарот на случувањето ќе биде на Градскиот Плоштад во Скопје каде учесничките ќе ја поминат верификацијата на документите и техничкиот преглед на возилата од 9 до 10:30 часот, потоа ќе биде возено првото спретно возење-гимкана, а во 11 часот ќе биде означен стартот на првиот автомобил. Првата етапа ќе се вози до катната гаража Тинекс, а потоа до општина Гази Баба во Автокоманда каде ќе се вози второто спретно возење –гимкана, па повторно назад до Градскиот Плоштад каде ќе се прогласат најдобрите.

Право на учество имаат сите припаднички на понежниот пол, возач и совозач, кои поседуваат возачка дозвола. Возилата ќе бидат поделени во две класи, прва класа возила со зафатнина на моторот до 1600 кубни сантиметри и втора класа возила над 1600 кубни сантиметри. И оваа година релито ќе се вози под знакот на кампањата Размисли дали си безбеден возач.

Голема благодарност до Маккар МИНИ кои за овој настап ќе отстапат возило Мини Купер на Авто Картинг Клубот Никола Карев со кое ќе настапи Маја Милошевска во класата 1 до 1600 кубни сантиметри.

Повеќе информации на нашиот форум: http://amknk.16.forumer.com/viewtopic.php?t=1275.