Авто Картинг Клуб "Никола Карев" - Скопје

ПОЧНУВА СЕЗОНАТА ВО БРЗИНСКИ МОТОЦИКЛИЗАМ

На 20 и 21 јуни во организација на Мотоциклистичката Федерација на Македонија и Мото клубот Цобо спорт ќе се одржи првата трка од Шампионатот на Македонија во брзински мотоциклизам на патеката во Кичево. Новина оваа година е тоа што покрај стандардните класи до 600 и 1000 кубни сантиметри ќе се воведе и нова класа за мотoцикли со зафатнина на моторот до 125 кубни сантиметри. Патеката е со вкупна должина од 2050 метри, а рекордот е во сопственост на Слободан Ивчески возач на Мото клубот Цобо спорт 1:05.010 со Suzuki GSXR 600, поставен на натпреварот Кичево 3-2008.

Слободните тренинзи и квалификациите ќе се возат на 20 јуни со почеток од 12:00 часот, а трката е закажана за 21 јуни со почеток во 12:00 часот.

На 03.05.2009 на картодромот во Волково се одржа втората трка од Шампионатот на Македонија со скутери во одлична организација на МК Цобо спорт.

Одлични трки, одлични борби. Времиња подобри од првата трка, а богами и многу поостро возење. Трка проследена со неколку падови, но за среќа без последици.

Во првата класа доминација на Оливер Гиовски. Огромна борба за останатите места на пиедесталот. Бојан Петрушевски иако падна на квалификациите го спреми моторот за трката, но кога беше на 2то место падна и ја изгуби својата позиција. Но трката продолжи за него, се до следниот пад, кога се откажа од трката. По падот на Бојан имаше голема борба мегу Даниел Блажевски и Крумислав Панов се додека Дани не падна. Томислав Арсовски будно следеше се и заврши како трет.

Во втората класа огромна борба меѓу ривалите од првата трка Горан Јовановски и Томислав Арсовски, кои ја дигнаа публиката. Сепак поуспешен Горан, а пиедесталот го пополни Урош Лазов, кој возеше соло трка на третата позиција.

Коментари и слики на следниве линкови:

http://amknk.16.forumer.com/viewtopic.php?t=933,
http://amknk.16.forumer.com/viewtopic.php?t=960